Доколку сте одговорен и внимателен возач и не предизвикате сообраќајна несреќа со Вашето моторно возило следната година при обнова на полисата за автомобилска одговорност ќе платите помалку, односно ќе добиете попуст (бонус). И спротивно, доколку предизвикате штета управувајќи го Вашето возило тогаш следната година за Вашата полиса ќе платите повеќе. Затоа, ВНИМАТЕЛНО во сообрајќајот!

Франшизата во Вашата полиса за осигурување влијае на цената (премијата) што ќе ја платите, но и на Вашето учество во евентуалната штета. Доколку склучите полиса за осигурување со франшиза тогаш ќе платите пониска премија за осигурување но во случај да настане штета ќе учествувате со одреден износ или процент во истата, и обратно. Затоа добро информирајте се и склучете полиса согласно Вашите потреби.

Патничко осигурување се купува пред почетокот на патувањето. Патничкото осигурување купено откако патувањето започнало како и за време на престојот во странство нема правна важност и се смета за ништовно.

Со зелениот картон за Вашиот автомобил се покриени штетите кои Вие или било кој што го управувал Вашето возило ќе ги предизвика на било кое трето лице во странство.

КАРЕНЦА е период во времетраење на осигурувањето во кој доколку настапи осигурен случај, осигурувачот нема обврска за надомест на штета (или има обврска за надомест на штета во износ помал од договорениот).